අපොස්තලික මාධ්‍ය ජාලය මගින් ප්‍රකාශයට පත්කරනු ලැබූ ‛‛මරිය තුමී සිදුකල පුදුම අටක්’’ ග්‍රන්ථයේ මුල් පිටපත ජූලි 10 වෙනි සිකුරාදා සවස අපොස්තලික මාධ්‍ය අධ්‍යක්ෂක මනෝජ් චින්තක මහතාගේ කාර්‍යාලයේ දී ඒ මහතා විසින් බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා වෙත පිළිගන්වනු ලැබුවා.
නිර්මල මරිය මාතාවන් විසිතුන් වතාවක් ශුද්ධෝත්තම රොහාන් ලලිත් අපොන්සු අපොස්තුළුතුමන් ඉදිරියේ දර්ශණය වූ කටුනායක අප ස්වාමිදූගේ සිද්ධස්ථානය පුදුමාකාර හාස්කම් බහුල සිද්ධස්ථානයක්.
ජ්‍යෙෂ්ඨ නියෝජ්‍ය පොලිස්පති තුමා වෙත ග්‍රන්ථය පිළිගන්වමින් සහ මෙම අවස්ථාවට සහභාගි වූ විශේෂ අමුත්තන් පිරිස අමතමින් අපොස්තලික මාධ්‍ය අධ්‍යක්ෂක මනෝජ් චින්තක මහතා කියා සිටියේ, ‛‛මරිය තුමී සිදුකල පුදුම අටක්’’ නැමැති මෙම ග්‍රන්ථයේ සදහන් වන්නේ, අවුරුදු 45ක් පුරාවට කටුනායක අප ස්වාමිදූගේ සිද්ධස්ථානයට පැමිණ දෙව් මවුන් වෙතින් පිහිට වරප්‍රසාද ඉල්ලූ දහස් සංඛ්‍යාත සැදැවතුන් ලද දහස් සංඛ්‍යාත පුදුමාකාර පිහිට පිළිබද කතාවන් අටක් බවත්, ඒවා හොදම කතා අට නොව, පුදුමාකාර පිහිට ඇතුලත් කතාවන් දහස් ගණනක් කතා අතරින් අටක් පමණක් බවත් ය.
තවදුරටත් කතා කරමින් අපොස්තලික මාධ්‍ය අධ්‍යක්ෂක මනෝජ් චින්තක මහතා ප්‍රකාශ කලේ, මෙම සිද්ධස්ථානයේ දී සැදැහැවතුන් ලබා ඇති අප්‍රමාණ පුදුමාකාර පිහිට ඇතුලත් කතාවන් සියල්ලම හෝ අඩු තරමින් සිය ගණනක් කතාවන් කෙනෙක් කියවූවහොත්, මෙම ග්‍රන්ථයේ සදහන් කතා අටට වඩා හොද කතාවන් තියනවා නොවේදැයි ස්ථීරයෙන්ම අසන බවත්, සිදුවී ඇති ප්‍රාතිහාර්‍යාත්මක කතා අතරින් මෙම ග්‍රන්ථය සදහා කතාවන් තෝරා ගැනීමේ දී තමන් ද දැඩි අපහසුතාවයකට පත් වූ බවත්, එතරම් ම පුදුම කතා රැසක් අතරින් මෙම කතා අට පමණක් මෙසේ පොතක් ලෙසින් එළි දැක්වූ අතර, ඉදිරියේ දී තවත් පුදුම කතා ඇතුලත් පොත් කීපයක් ම එළිදැක්වීමට අපොස්තලික මාධ්‍ය ජාලය කටයුතු කරන බවත්ය.
‛‛මරිය තුමී සිදුකල පුදුම අටක්’’ ග්‍රන්ථය අපාස්තලික මාධ්‍ය අධ්‍යක්ෂක මනෝජ් චින්තක මහතා විසින් සංස්කරණය කර ඇති අතර, එහි මුල් පිටපත භාරගත් බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා ග්‍රන්ථයේ සදහන් විවිධ වූ පුදුම කතාවන් පිළිබදව අපොස්තලික මාධ්‍ය අධ්‍යක්ෂක මහතා වෙතින් විස්තර විමසනු ලැබුවේ පොතේ පිටු පෙරලමින් එම කතාවන් කෙරෙහි දැඩි අවධානයක් යොමු කරමිනුයි.
උපතේ සිට කතා කල නොහැකිව ගොළුව සිටි සය හැවිදිරි දරුවා දෙව් මවු ප්‍රතිමාව ඉදිරියේ කතා කිරීමට ඇරඹීම, පිළිකාවක තත්වයට වර්ධනය වෙමින් තිබූ, විසි දෙහැවිරිදි වියේ තරුණයකුගේ යටි බඩේ ගෙඩිය අතුදන් වීමේ කතාව, විවාහයෙන් පසු අවුරුදු දහයක් දරුවන් නොලද යුවලක් මව් පියන් බවට පත්වීමේ පුවත, දර්ශණ ඉටිපහන් දැල්ලෙන් පිළිස්සී සුවය ලද පිළිකා රෝගියාගේ කතාව ඇතුළුව කතාවන් අටක් රැගත්, ‛‛මරිය තුමී සිදුකල පුදුම අටක්’’ ග්‍රන්ථය ඔබට ලබාගත හැක්කේ කටුනායක අප ස්වාමිදූගේ සිද්ධස්ථානයෙන් ම පමණයි.
අපොස්තලික මාධ්‍ය ජාලය මගින් ප්‍රකාශයට පත්කරනු ලැබූ ‛‛මරිය තුමී සිදුකල පුදුම අටක්’’ ග්‍රන්ථයේ මුල් පිටපත ජූලි 10 වෙනි පසුගිය සිකුරාදා සවස අපොස්තලික මාධ්‍ය අධ්‍යක්ෂක මනෝජ් චින්තක මහතාගේ කාර්‍යාලයේ දී, ඒ මහතා විසින් බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා වෙත පිළිගන්වනු ලැබූ අවස්ථාව මෙම ඡායාරූප මගින් ඔබට දැකගත හැකියි
